تعبت اوفي مع الخاين تعبت اصـدق مـع الكـذاب

علمتـه يشيـل السيـف ويسلـه فـي وجيـه اغـراب
واول مـاقــوى شـيـلـه رفـــع سـيـفـه وتـحـدانــي
علـمـتـه الـرمـايـه زيـــن ولايـتـعـب ولايـرتــاب
واول مــاقــوت يـمــنــاه صـوبــنــي ورمــانـــي
علمتـه نظـم الشـعـر ولا يـركـض ورى الالـقـاب
واول مـاكـتـب بيـتـيـن كـتــب عـنــي وهـجـانـي
علمتـه يعـاف الـغـدر ويـوفـي بـوعـده الاحـبـاب
واول مـافـهــم قــصــدي راح بـعـيــد وخــلانــي
تعبت اوفي مع الخاين تعبت اصـدق مـع الكـذاب
تعبـت ارجيـه وأجـي لـه وهـو مايـوم قــد جـانـي
تعبت ابني صروح الحلم على شانه شقى واتعاب
ولا مـــره شـعــر فـيـنـي ولا حـــس بـاحـزانــي
غريبـه كيـف يتـجـرأ يـسـوي مارفـضـه اجـنـاب
وهـو اقـرب مـن النـظـره لعيـنـي منـهـا اجفـانـي
سهـرت الليـل لعيونـه رغـم نومـي علـي غــلاب
مـع هـذا صبـرت وقلـت مـن شـانـه انــا اعـانـي
تمـوت افـراح هالدنيـا وانـا كـلـي بقـايـا اســراب
مـن همـومٍ تـعـل القـلـب تشـمـت فيـنـي عـدوانـي
سبب حالي خوي الـدرب شمـت فينـي الاغـراب
تركنـي بوحدتـي اشـقـى بـصـده لــي وهجـرانـي
زمــن مايعـتـرف بالـذنـب ولايستغـفـر الـتــواب
زمــن لاجــارت ظـروفـه تغـربـل كــل اكـوانـي
انـا عمـري غـدى تاريـخ تضـمـه دفتـيـن كـتـاب
على صـدره كتـب وافـي وكـان الحـزن عنوانـي
هـذي قصتـي باقسـى مشاهـد عشتهـا فـي عـذاب
بطلـهـا شـخـص علتمـتـه بعـدهـا راح وخـلانــي